ថ្ងៃព្រហស្បតិ៍ ទី២៥ ខែកុម្ភៈ ឆ្នាំ២០២១
គេហទំព័រខ្មែរម្ចាស់ការកំពុងសាកល្បង
អភិបាល​ខេត្តប៉ៃលិន នាំយកស្បៀង​អាហារសម្តេចតេជោ និង​សម្តេច​កិត្តិ​ព្រឹទ្ធបណ្ឌិត ប៊ុន រ៉ានី ផ្តល់​ជូនដល់​កងកម្លាំង ដែលកំពុងឈរជើងតាមបន្ទាត់ព្រំដែនកម្ពុជា-ថៃ ក្នុងបេសកកម្មប្រយុទ្ធប្រឆាំង និងទប់ស្កាត់ការរីក​រាលដាលនៃជម្ងឺកូវីដ-១៩
Tue,16 February 2021 (Time 09:58 PM)
ដោយ ៖ ឈើកាច់បាភ្នំ (ចំនួនអ្នកអាន: 20នាក់)


ខេត្តប៉ៃលិន៖លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន នៅរសៀលថ្ងៃទី១៦ ខែកុម្ភៈ ឆ្នាំ២០២១ បានអញ្ជើញ​ចុះ​សួរសុខទុក្ខ ត្រួតពិនិត្យ និងនាំយកស្បៀង​អាហាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅឧ​បត្ថម្ភ ដល់កងកម្លាំង ដែលកំពុងឈរជើងប្រចាំការនៅតាមគោលដៅនានា តាមបណ្តោយ​ខ្សែរ​បន្ទាត់ ព្រំដែន រវាងខេត្ត​ប៉ៃលិន និងខេត្តចាន់បុរី ប្រទេសថៃ ក្នុងបេសកម្ម​ប្រយុទ្ធប្រ​ឆាំងនិងទប់​ស្កាត់ការរីករាល​ដាលនៃជម្ងឺកូវីដ-១៩ ពីក្រៅប្រទេស ​ជាពិសេសប្រទេសថៃ ដែលកំពុងផ្ទុះការ​ចម្លងជម្ងឺ​កូវីដ-១៩ចូលក្នុងសហគមន៍។

ក្នុងឱកាសនោះ លោកជំទាវអភិបាលខេត្តប៉ៃលិន បាននាំបណ្តាំផ្ញើសួរសុខទុក្ខ ពីសំណាក់​សម្តេច​តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់កងកម្លាំងទាំងអស់ ដែលជានិ​ច្ចកាល សម្តេចទាំងទ្វេរ តែងគិតគូរយកចិត្តទុកដាក់ចំពោះកងកម្លាំងទាំងអស់ ដែល​នៅពេល​នេះ សម្តេចបានស្នើអោយ កងកម្លាំងត្រូវរួមគ្នាបំពេញតួនាទី ភារកិច្ចឱ្យបានល្អ មាន​សាម​គ្គី​ភាព ឯកភាពផ្ទៃក្នុងឱ្យបានរឹងមាំដើម្បីរួមគ្នាទប់ស្កាត់​កុំឱ្យវីរុសកូវីដ១៩ឆ្លងចូលក្នុងសហគមន៍បាន ហើយក្នុងពេលបំពេញភារកិច្ចត្រូវរក្សាអនាម័យ ពាក់ម៉ាស់ លាងដៃនឹងជែលឬអាកុលជាប្រចាំ ។

បន្ថែមពីលើនេះ ការពង្រឹង​សមត្ថកិច្ចនិងរក្សាសន្តិសុខតាមព្រំដែន គឺជាការអនុវត្តតាមការ​ណែនាំរ​បស់ប្រមុខរាជរដ្ឋាភិបាល ឱ្យបណ្តាខេត្ត​ដែលមានព្រំដែន ជា​ប់នឹងប្រទេសជិតខាង ត្រូវមានការ​យក​ចិត្តទុកដាក់ឱ្យបានខ្ពស់នៃការរីករាលដាលជំងឺកូវីដ-១៩ នៅតាមព្រំដែនកម្ពុជា-ថៃ ដែលមានហា​និភ័យខ្ពស់ ចំពោះពលករខ្មែរចំណាកស្រុក ជាពិសេសនាឱកាសបុណ្យចូលឆ្នាំខ្មែរខាងមុខ។

ក្នុងនាមលោ​កជំទាវ ជាគណ:អភិបាលខេត្តនិង​ជាគណ:បញ្ជាការកងឯកភាពខេត្ត បានជំរុញដល់​និងណែនាំដល់កម្លាំងទាំង៣ប្រភេទ ទាំងអស់ និងមន្ត្រីប្រចាំការនៅ​តាមច្រកទ្វារព្រំដែនអន្តរជាតិព្រំនិងច្រករបៀងនានា ត្រូវធ្វើយ៉ាងណាខិតខំ​តាមដានរាល់សភាព​ការណ៍ នៃការឆ្លងដែនរបស់ពលករខ្មែរ និងត្រូវប្រចាំការ ២៤ម៉/២៤ម៉ តាមគោលដៅ​ដែលខ្លួន​ទទួលខុសត្រូវ ព្រមទាំងពង្រឹងនិ​ងទប់ស្កាត់​ឱ្យបានតឹង​រឹងចំពោះ​ការលួចឆ្លងដែន​ខុសច្បាប់​របស់​ប្រជាពលរដ្ឋដែលត្រលប់មកពីប្រទេសថៃហើយបើក្នុងករណីមានការសង្ស័យទៅលើរថយន្តដឹកទំនិញណា​មួយ ដែលឆ្លងកាត់តាមច្រក ត្រូវតែត្រួតពិនិត្យនិងធ្វើការឆែកឆេរជាដាច់ខាត ដើម្បីទប់ស្កាត់​ការឆ្លងដែនខុសច្បាប់ដោយមិនបានធ្វើចត្តាឡីស័ក ពិសេសសូមពន្យល់ណែនាំ ដល់បងប្អូន​ពលករដែលឆ្ល​ងមក អោយបានយល់ថា ការធ្វើចត្តាឡីស័ក មិនមែនជាការឃុំឃាំង បំបិទសិទ្ធ​សេរីភាពនោះទេ គឺជាការធ្វើតេស្តឬតាមដានសុខភាព ពីសំណាក់ក្រុមគ្រូពេទ្យជំនាញ ដើម្បីអោយ​ប្រាកដថា វិជ្ជមានឬអវិជ្ជមាននៃវិរុសកូវីដ១៩ ដែលជាការទប់ស្កាត់កុំអោយឆ្លងចូលក្នុងសហគមន៍ ។

សូមបញ្ជាក់ថា៖ស្បៀងអា​ហារដែលកងកម្លាំងការពារទទួលបានក្នុងមួយគោលដៅរួមមាន៖អង្ករ,មី
,ត្រីខ,ទឹកសុទ្ធ ,ម៉ាស់,ជែលលាងដៃ,ត្រីងៀត,សា​ច់ក្រក,ផ្អក១,ទឹកស៊ីអ៊ីវ១យូរ​និងថវិកាមួ​យចំនួនផងដែរ៕

ព័ត៌មានគួរចាប់អារម្មណ៍

អ​គ្គី​ភ័​យ​ឆាប​ឆេះ​ផ្ទះ​ប្រជាព​លរដ្ឋ​១​ខ្នង​ នៅស្រុក​រុក្ខគិរី ស​ង្ស័​យ​ឆ្លង​ចរន្ធ​អគ្គីភ័យ (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តម ជុំ ហាត ប្រធានក្រុមប្រឹក្សាខេត្តស្វាយរៀង ដឹកនាំកិច្ចប្រជុំសាមញ្ញលើ​កទី២១ ឆ្នាំទី២ អាណត្តិទី៣ នៅសាលប្រជុំនន្ទី អគារ ខ សាលាខេត្ត (ឈើកាច់បាភ្នំ)

ព័ត៌មានគួរចាប់អារម្មណ៍

បណ្តេញនាយកកា​សែត Angkor Today ចេញពីកម្ពុជា រឿង​ផ្សាយព័ត៌មាន​ថា កម្ពុជា​លក់វ៉ាក់​សាំង (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តម​អភិបាលខេត្តកណ្ដាល ដឹកនាំមន្ត្រីជំនាញ ចុះសំណេះ​សំណាល សួរសុខទុក្ខ និងស​ម្រ​បស​ម្រួល​ដោះស្រាយនូវបញ្ហាមួ​យចំនួន ជាមួយ​ជនជាតិចិន ដែលមាន​ផ្ទុក​ជំងឺកូវីដ-១៩ (ឈើកាច់បាភ្នំ)

ព័ត៌មានគួរចាប់អារម្មណ៍

អាជ្ញាធរក្រុងប៉ោយប៉ែត និង​កងកម្លាំង​ចម្រុះ​ទាំង៣​ស្ថាប័ន ចុះ​ត្រួត​ពិនិត្យ និងជូន​ដំ​ណឹង​ដល់ម្ចា​ស់ទីតាំ​ងអាជីវ​កម្ម KTV ក្លឹប​កម្សាន្ត(​ខារ៉ាអូខេ រង្គសាល ឌីស្កូ​តែក និងបៀរហ្កាឌិន) ដើ​ម្បី​ចូល​រួមបង្ការ ​និងទប់ស្កាត់កា​រឆ្លង​រីករាលដាលនៃជំងឺកូ​វីដ-១៩ (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
5800 នាក់
ម្សិលមិញ :
7972 នាក់
សប្តាហ៍នេះ :
33294 នាក់
ខែនេះ :
239856 នាក់
3 ខែនេះ :
699349 នាក់
សរុប :
3635316 នាក់