ថ្ងៃអង្គារ៍ ទី២៦ ខែមករា ឆ្នាំ២០២១
គេហទំព័រខ្មែរម្ចាស់ការកំពុងសាកល្បង
ពិធីបើក​បវេសនកាលឆ្នាំសិក្សា​ថ្មី ឆ្នាំ២០២០-២០២១
Mon,11 January 2021 (Time 05:08 AM)
ដោយ ៖ ឈើកាច់បាភ្នំ (ចំនួនអ្នកអាន: 44នាក់)


ខេត្តកណ្តាល៖នៅព្រឹកថ្ងៃទី១១ ខែមករា ឆ្នាំ២០២១ ឯកឧត្ដម គង់ សោភ័ណ្ឌ អភិបាលខេត្តកណ្ដា​លអញ្ជើញ​បើកប​វេសនកាលឆ្នាំសិក្សាថ្មី ឆ្នាំ២០២០-២០២១ នៅវិទ្យាល័យហ៊ុន សែន តាខ្មៅ ស្ថិត​ក្នុង​ក្រុងតាខ្មៅ ខេត្តកណ្ដាល ដោយមានការ អញ្ជើញចូលរួមពីឯកឧត្ដម លោកជំទាវ សមាជិកក្រុ​មប្រធានក្រុមប្រឹក្សាខេត្ត មន្ទីរជុំវិញខេត្ត និង លោកគ្រូ អ្នកគ្រូ សិក្សានុសិស្ស ជាច្រើនរូប។

គួបញ្ជាក់ថា ថ្ងៃទី១១ ខែមករា ឆ្នាំ២០២១នេះ ជាកាលកំណត់នៃកា​របើកបវេសនកាល​សម្រាប់ឆ្នាំ​សិក្សាថ្មី ឆ្នាំ២០២០-២០២១ ដែលកំណ​ត់ដោយក្រសួងអប់រំ ​យុវជន និងកីឡា។ពេលវេលានៃ​ការបើកបវេស​នកាលនៅឆ្នាំនេះ ត្រូវបាន​ពន្យារពេលមកដល់ខែមករា ព្រោះតែការរាត​ត្បាតនៃ​ជំងឺកូវីដ-១៩។

ក្នុងឱកាសនោះឯកឧត្តម គង់ សោភ័ណ្ឌ អភិបា​លខេត្តកណ្ដាល បានអានសារ សម្តេចតេ​ជោ ហ៊ុន សែន នាយករដ្ឋមន្ត្រីកម្ពុជា នៃព្រះរា​ជាណាចក្រកម្ពុជា ដែលបានចេញសារអបអរសាទរ និងបើក​បវេ​សនកាលថ្មី ២០២០-២០២១ ។

ក្នុងសារបើ​កបវេសនកាលឆ្នាំសិក្សាថ្មី ឆ្នាំ២០២០-២០២១នេះ សម្តេចតេជោ ហ៊ុន សែន បានថ្លែងថា ថ្វីដ្បិតកម្ពុជាក៏ដូចជាពិ​ភពលោកទាំងមូលនឹងមិនទាន់​មានភាពច្បាស់លាស់ពាក់​ព័ន្ធនឹងព្រឹត្តិការ​ណ៍កូវីដ-១៩ យ៉ាងណាក៏ដោយ ក៏រាជរដ្ឋាភិបាល​កម្ពុជា នៅតែប្រារព្ធពិ​ធីបើកបវេសនកា​លឆ្នាំសិ​ក្សាថ្មី ឆ្នាំ២០២០-២០២១ ដ៏មានសារៈសំខាន់ក្រោមទស្សនទានថ្មី គន្លងជីវិតថ្មីក្នុងវិស័យអប់រំ។

ក្នុងឱកាសបើក​បវេ​សនកាលឆ្នាំសិក្សាថ្មីនេះ គឺជាថ្ងៃបើកទំព័រថ្មី​នៃការចាប់ផ្ដើមជីវិ​តសិក្សាដំបូង​របស់ក្មួយៗ ដែលទើបនឹ​ងដល់អាយុត្រូវចូលសាលារៀន និងជាថ្ងៃត្រឡប់មកកា​ន់សាលារៀនវិញបន្ទាប់ពី​បានឆ្លងកាត់ និងទទួលនូវបទពិសោធន៍នៃការអប់រំក្នុងសម័យកូវីដ-១៩ ក្នុងឆ្នាំសិ​ក្សា២០១៩-២០២០ កន្លងមក ទោះបីក្នុងរូបភាពខុសគ្នាយ៉ាងណាក៏ដោយ។

ឯកឧត្តមអភិបាលរងខេត្ត ក៏បានផ្ដាំផ្ញើដ​ល់អាជ្ញាធរស្រុក លោកគ្រូអ្នកគ្រូ ពិសេសសិស្សសានុសិ​ស្សទាំ​ងអស់ សូមចូលរួមអនុវត្តឱ្យបានខ្ជាប់ខ្ជួន នៅការធ្វើអនាម័យជាប្រចាំ ដើម្បីរួមគ្នាបង្ការ និងការ​ពារ​ជំងឺកូវីដ-១៩ តាមការណែនាំរបស់ក្រសួងសុខាភិបាល និងរាជរដ្ឋាភិបាល ដោយ​ត្រូវលាង​ដៃឱ្យបានញឹកញាប់ជាមួយសាប៊ូ អាល់កុល ឬជែល ពាក់ម៉ាស និងរក្សាគម្លាតសុវត្ថិភាព៕

ព័ត៌មានគួរចាប់អារម្មណ៍

គ្រឿងសម្អាងក្លែងក្លាយ និងសម្ភារបរិក្ខារពេទ្យគ្មានច្បាប់អនុញ្ញាតរាប់តោន ត្រូវបានសមត្ថកិច្ចចុះបង្ក្រាប (ឈើកាច់បាភ្នំ)

ព័ត៌មានគួរចាប់អារម្មណ៍

យុវជនពីរនាក់បានរងរបួសយ៉ាងដំណំ ក្រោយពីមានជនសង្ស័យ២នាក់ ជិះម៉ូតូមកពីក្រោយធ្លាក់ដួល (ឈើកាច់បាភ្នំ)

ព័ត៌មានគួរចាប់អារម្មណ៍

ម្តាយចិត្ត​អប្រិយ​យកកាំបិ​តកាប់កូនស្រី បណ្តាល​​ឲ្យរងរ​បួសធ្ងន់​ បញ្ជូនទៅសង្គ្រោះនៅឯមន្ទីពេទ្យ (ឈើកាច់បាភ្នំ)

ព័ត៌មានគួរចាប់អារម្មណ៍

លោកឧត្តមសេនីយ៍ទោ សាត គឹមសាន ដឹកនាំប្រជុំការងារប្រចាំខែ នៅស្នងការដ្ឋាននគរបាលខេត្តបាត់ដំបង (ឈើកាច់បាភ្នំ)

ព័ត៌មានគួរចាប់អារម្មណ៍

មន្ទីរអ​ប់រំ យុវជន និងកីឡា ខេត្តព្រះសីហនុ បានរៀបចំបើកការប្រកួតបា​ល់ទាត់ជ្រើសរើស​កីឡាក​រឆ្នើមប្រចាំខេត្ត ដើម្បី​ត្រៀមចូលរួមប្រកួតដណ្តើម​ពានរង្វាន់សម្តេចតេជោ (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
13656 នាក់
ម្សិលមិញ :
14774 នាក់
សប្តាហ៍នេះ :
65128 នាក់
ខែនេះ :
266513 នាក់
3 ខែនេះ :
629419 នាក់
សរុប :
3394402 នាក់