ថ្ងៃព្រហស្បតិ៍ ទី០៣ ខែធ្នូ ឆ្នាំ២០២០
គេហទំព័រខ្មែរម្ចាស់ការកំពុងសាកល្បង
ឆក់​យកទ្រព្យសម្បត្តិ ប្រជាពលរដ្ឋ ​ត្រូវបានកម្លាំងនគបាល​ចាប់ឃាត់ខ្លួន
Thu,19 November 2020 (Time 06:28 PM)
ដោយ ៖ ឈើកាច់បាភ្នំ (ចំនួនអ្នកអាន: 9នាក់)


ខេត្តបាត់ដំបង៖ក្រុមយុវជនវ័យ​ក្មេងចំនួន០៦នាក់ ត្រូវបានកម្លាំង​អន្តរាគមន៍នៃអធិ​ការដ្ឋាននគរ​បាល​ស្រុកមោងឬស្សី សហកា​រជាមួយកម្លាំងប៉ុស្តិ៍នគរបាលរដ្ឋបាលឬស្សីក្រាំង រួមជាមួយ​កម្លាំងផ្នែក​ជំនាញ ចុះប្រតិបត្តិការបង្ក្រាបឃាត់ខ្លួនភ្លាមៗ ក្រោយធ្វើសកម្មភាពឆ​ក់យកទ្រព្យ​សម្បត្តិប្រ​ជា​ពលរដ្ឋតាមដងផ្លូវសាធារណៈ។

លោកវរសេនីយ៍ឯក ស គឹមឡុង អធិការនគរបាលស្រុកមោងឬស្សីបានអោយដឹងថា ក្រោយ​ទ​ទួលបានព័ត៌មានពីប្រជាព​លរដ្ឋ ឈ្មោះ ភេន ផល ភេទប្រុស អាយុ ៤២ឆ្នាំ រស់នៅឃុំឫស្សី ក្រាំង ស្រុកមោងឫស្សី ខេត្តបាត់ដំបង ដោយមាន​ក្រុមយុវជនវ័យក្មេងចំនួន០៦នាក់ ប្រើប្រាស់ម​ធ្យោបាយ​មានម៉ូតូចំនួនបីគ្រឿង បានធ្វើសក​ម្មភាពឆក់យក​លុយរបស់ខ្លួន​អស់ជាច្រើន ខណ:ដែលខ្លួន​កំពុង​ធ្វើដំណើរនៅលើផ្លូវជាតិ៥ ចំណុចភូមិសាស្ត្រខាងលើរួចគេចខ្លួនបាត់ ភ្លាមនោះលោកបានរា​យការ​ណ៍ជូន​លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោ​កស្នងការរងទទួលផែន រួចមក​លោកក៏បានដឹកនាំក​ម្លាំងចុះធ្វើការស្រាវ​ជ្រាវរហូតនៅវេលា​ម៉ោង ១៥ និង៣៩នាទី ថ្ងៃទី១៨ ខែវិច្ឆិកា ឆ្នាំ២០២០ នៅចំណុចខាងលិចស្ពានដើមក្រសាំង ស្ថិតក្នុង​ក្រុមទី០១ ភូមិថ្នល់បត់ ឃុំឫស្សីក្រាំង ស្រុកមោងឫស្សី ក៏កំណ​ត់បានក្រុមជនសង្ស័យជាមុខសញ្ញា និងបាន​ឃាត់ខ្លួនភ្លាមៗបន្ទាប់ពីពួកគេធ្វើសកម្ម ភាពឆក់បានសម្រេចជិតកន្លះម៉ោង។

លោកបន្តថា ជនសង្ស័យជាយុវជន​វ័យក្មេងដែលត្រូវឃាត់ខ្លួនរួមមាន៖
១-ឈ្មោះ ហ្វាត អ៉ីណេស ហៅឆែប ភេទប្រុស អាយុ ១៤ឆ្នាំ មានទីលំនៅភូមិចុងខ្នុរខាងលិច សង្កាត់​ទឹ​កថ្លា ខណ្ឌសែនសុខ រាជធានីភ្នំពេញ
២-ឈ្មោះ ជួង ភក្តី ភេទប្រុស អាយុ១៨ឆ្នាំ មានទីលំនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ
៣-ឈ្មោះ សាត ភារ៉ុង ភេទប្រុសអាយុ១៦ឆ្នាំ មានទីលំនៅភូមិសំរោង សង្កាត់ខ្នួច ខណ្ឌសែន សុខ រាជធានីភ្នំពេញ
៤-ឈ្មោះ ផាន រ៉ាវី ភេទប្រុស អាយុ១៥ឆ្នាំ មានទីលំនៅភូមិផ្សារសាន់ហាន់ ខណ្ឌឫស្សីកែវរាជ ធានីភ្នំពេញ
៥-ឈ្មោះ ផាន រ៉ាវីន ហៅជ័យភេទប្រុស អាយុ ១៤ឆ្នាំ រស់នៅភូមិភ្នំពេញថ្មី សង្កាត់ភ្នំពេញថ្មី ខណ្ឌ សែនសុខ រាជធានីភ្នំពេញ
៦-ឈ្មោះ រតនា វិសាលសិដ្ឋភេទប្រុស អាយុ១៥ឆ្នាំ មានទីលំនៅភូមិគោកឃ្នាង សង្កាត់គោកឃ្នាង ខណ្ឌសែន​សុខរាជធានីភ្នំពេញ។

វត្ថុតាងដកហូតរួមមាន៖
-ប្រាក់រៀលខ្មែរចំនួន១.៥0០.០០០រៀល (មួយលានហាសិបម៉ឺនរៀល) -ម៉ូតូចំនួន០៣ គ្រឿង -ទូរស័ព្ទដៃចំនួន០២គ្រឿង -ខ្សែដៃកាឡៃចំនួន០១ខ្សែ -ខ្សែកផ្លាកទីនចំនួន០១ខ្សែ និងចិញ្ចៀនផ្លាកទីន ចំនួន០១វង់។

លោកវរសេនីយ៍ឯក ស គឹមឡុង បានបញ្ជាក់បន្ថែមថា ក្រោយធ្វើការឃាត់ខ្លួនក្រុមជនសង័្សយខាងលើបានសារភាពថា ពួកខ្លួនបា​នធ្វើដំណើ​រចេញពីរាជ​ធានីភ្នំពេញ ហើយមានគោលបំណង ទៅកាន់ខេត្តសៀមរាប ក្នុងពេលធ្វើដំ​ណើរតាមផ្លូវក្រុម​ពួកគេបានធ្វើសកម្មភាព(ឆក់យកទ្រព្យ សម្បត្តិ)ពីអ្នកធ្វើដំណើរតាមដងផ្លូវនៅចំណុចស្នាមព្រះ ភូមិសា​ស្រ្តខេត្តពោធិសាត់ ដែលក្នុង​នោះ​បានប្រាក់ចំនួន ៧០០.០០០រៀល​(ចិតសិប​ម៉ឺនរៀល​)លុះ​មកដល់ភូមិសាស្រ្តខេត្តបាត់ដំបង ពួកគេក៏​បានធ្វើសកម្មភាពបន្តទៀតដោយបានប្រាក់ចំនួន ១.១៩៥.០០០រៀល​(មួយលានមួយសែនប្រាំបួនម៉ឺន​ប្រាំពាន់រៀល) ក៏ត្រូវបានសមត្ថកិច្ចន​គរបាល​ស្រុកមោងឫស្សីបង្រ្កាបបានតែម្តង។

លោកបញ្ជាក់ទៀតថា កិច្ចប្រតិបត្តិការរបស់នគរបា​លដែលអនុវត្តបានជោ​គជ័យនៅពេលនេះ គឺស្ថិតក្រោមបទបញ្ជារប​ស់លោក ឧត្តមសេនីយ៍ស្នងការ លោកស្នងការរងទទួលផែនជំនាញ និងជាពិសេស​បានការ ចូលរួមផ្តល់ព័ត៌មានទាន់ពេលវេលាពីប្រជាពលរដ្ឋនៅ មូល ដ្ឋាន ដែល​កន្លងម​កសមត្ថកិច្ចបានធ្វើការផ្សព្វ ផ្សាយ លេខទូរស័ព្ទដោយទូលំទូលាយ ហើយប្រជាពលរដ្ឋលោ​កទទួលយកសម្រាប់ទា​ក់ទង ទាន់ពេលនៅក្នុងករណីមានហេតុការ ណ៍ណាមួយកើត​ឡើងដូចករណី​នេះស្រាប់។

រហូតមកដ​ល់ពេលនេះក្រុមជនសង្ស័យនិងវត្ថុតាង ត្រូវបានសមត្ថកិច្ច​រៀបចំសំណុំរឿងប​ញ្ជូនមក​កាន់​ការិយា​ល័យជំនាញដើម្បីចាត់ការបន្តតាមផ្លូវច្បាប់៕

ព័ត៌មានគួរចាប់អារម្មណ៍

កម្លាំងនគរបា​ល​ស្រុកគិរីវង់ បង្រ្កាបបា​នជនសង្ស័យ២នាក់ ខណៈកំពុងជិះដឹកកញ្ឆា (រស្មីជាយដែន)

ព័ត៌មានគួរចាប់អារម្មណ៍

បុរសម្នា​ក់បានស្លាប់ ខណ:បញ្ជូន​ទៅសង្គ្រោះនៅមន្ទីរពេទ្យ ដោយសារជួបឧបទ្ទវ​ហេតុគ្រោះ​ថ្នាក់ច​រាចរ​ណ៍ បង្កឡើងរវាងឡានពេទ្យ និងម៉ូតូសណ្តោង (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តមឧ​បនាយ​ករដ្ឋមន្ត្រី ជា សុផារ៉ា អញ្ជើញ​ពិនិត្យ​មើល​សកម្មភា​ពសាងស​ង់​ហេដ្ឋារ​ចនាស​ម្ព័ន្ធ​ផ្សេងៗ និងបើ​កឱ្យដំ​ណើ​រការ ​ការអ៊ុត​បេទីម លើផ្លូវទាំង​៣៤ខ្សែ នៅក្នុងខេត្តព្រះសីហនុ (ឈើកាច់បាភ្នំ)

ព័ត៌មានគួរចាប់អារម្មណ៍

នគរបាលជំនាញ​ក្រុងបាត់​ដំបង ឃាត់​ខ្លួនជនសង្ស័យ០១នាក់ ពា​ក់ព័ន្ធបទល្មើសជាក់ស្តែងរក្សាទុក​គ្រឿង​ញៀន (ឈើកាច់បាភ្នំ)

ព័ត៌មានគួរចាប់អារម្មណ៍

សាខាកាកបាទ​ក្រហមកម្ពុជា​ខេត្តកណ្ដាល នាំយ​កអំ​ណោ​យមនុស្សធម៌ ផ្តល់​ជូនគ្រួសា​រកុមារ​កំព្រា​ពីរនាក់ កំ​ពុងរ​ស់នៅជាមួ​យជីដូន និង​គ្រួសារក្រីក្រ​មានកូនពិការ និង​មានជំងឺអូទីសឹម ក្នុងស្រុក​ស្អា​ង (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
3405 នាក់
ម្សិលមិញ :
3698 នាក់
សប្តាហ៍នេះ :
20954 នាក់
ខែនេះ :
158991 នាក់
3 ខែនេះ :
764630 នាក់
សរុប :
2956921 នាក់