ថ្ងៃអាទិត្យ ទី២៥ ខែតុលា ឆ្នាំ២០២០
គេហទំព័រខ្មែរម្ចាស់ការកំពុងសាកល្បង
ជនជាប់ឃុំក្នុងពន្ធគារខេត្តបន្ទាយមានជ័យ ចំនួន១.៦០០នាក់ ត្រូវជញ្លៀសចេញពីពន្ធនាគារខេត្តផ្សេងៗ ដោយសារទឹកជនលិច
Wed,14 October 2020 (Time 04:48 AM)
ដោយ ៖ ឈើកាច់បាភ្នំ (ចំនួនអ្នកអាន: 12នាក់)


ខេត្តបន្ទាយមានជ័យ៖ជនជាប់ឃុំក្នុងពន្ធគារខេត្តបន្ទាយមានជ័យមានចំនួន១.៦០០នាក់ ត្រូវជញ្លៀសចេញពីពន្ធនាគារខេត្ត ដោយយកទៅដាក់នៅបណ្តាពន្ធនាគាខេត្តផ្សេងៗ ដោយសារទឹកលិចពន្ធនាគារជិតកន្លះម៉ែត្រហើយ កាលពីព្រឹក ថ្ងៃទី១៣ ខែតុលា ឆ្នាំ២០២០។

ក្នុងនោះមានអ្នកចូលរួមការពារអ្នកជាប់ឃុំ សមាជិកសភាមណ្ឌលខេត្តបន្ទាយមានជ័យ លោកប្រធានតុលាការខេត្ត និងព្រះរាជអាជ្ញាខេត្ត កំលាំងទាំង៣អង្គភាពមានកងរាជអាវុធហត្ថខេត្តបន្ទាយមានជ័យ .ស្នងការនគរបាលខេត្តបន្ទាយមានជ័យ និងយោធា ជាច្រើនរយនាក់។

លោក អ៊ុង សុីផាន ឧត្តមអត្ថានុរក្សថ្នាក់លេខ២និងជាប្រធានពន្ធនាគារខេត្តបន្ទយមានជ័យបានប្រាប់អ្នកសារព័ត៌មានឲ្យដឹងថា អ្នកទោសដែលជាប់ឃុំឃាំងមានចំនួន១.៦០០នាក់ ត្រូវជញ្លៀសចេញពីពន្ធនាគារខេត្តបន្ទាយមានជ័យយកទៅដាក់ពន្ធនាគារខេត្តផ្សេងៗ ក្នុងនោះមានខេត្តសៀមរាប ប៉ៃលិន និងឧត្តរមានជ័យ បណ្ដោះអាសន្នសិន ព្រោះទឹកលិចក្នុងពន្ធនាគារជិតកន្លះម៉ែត្រហើយ រហូតមកដល់ម៉ោងនេះដោយសារស្ថានភាពទឹកជំនន់ជន់ធ្លាក់មកពីប្រទេសថៃ និងជំនន់ទឹកភ្លៀងលិចដល់អគារឃុំឃាំងអ្នកទោសទាំងអស់ផងដែ។

ពន្ធនាគារខេត្តបន្ទាយមានជ័យនៅទីរួមខេត្តបន្ទាយមានជ័យ ស្ថិតនៅក្នុងភូមិគាប សង្កាត់ទឹកថ្លា ក្រុងសិរីសោភ័ណជាប់ នឹងមាត់ស្ទឹងសិរីសោភ័ណ រហូតដល់សព្វថ្ងៃពន្ធនាគារនេះលិចទឹកជំនន់ចំនួន៣ដងមកហើយទាំងលើកនេះផងដែរលិច២ដងកន្លងមកក៏ជម្លៀសអ្នកទោសយកដាក់ពន្ធនាគារក្នុងខេត្តផ្សេងៗដូចលើកនេះដែរ។

លោក អ៊ុង សុីផាន បញ្ជាក់ឲ្យដឹងទៀតថា អ្នកទោសទាំង១.៦០០នាក់ដឹក២លើកក្នុង១លើកមានរថយន្ត២០គ្រឿង ក្រោយពីទឹកជំនន់ស្រកអស់អ្នកទោសទាំងអស់ត្រូវបញ្ជូនត្រឡប់មកដាក់ពន្ធនាគារខេត្តបន្ទាយមានជ័យវិញ។

លោក អ៊ុង សុីផាន បានបញ្ជាក់ឲ្យដឹងទៀតថា អ្នកទោសទាំងអស់ត្រូវបានយកចិត្តទុកដាក់បណ្តុះបណ្តាលវិជ្ជាជីវះជូនដល់គាត់មានដូចជា រៀនកាត់ដេរ រៀនជួសជុលគ្រឿងអេឡិតត្រួនិច រៀនជួសជុលម៉ួតូ រៀនភ្លេងសម័យ រៀនកាត់សក់ រៀនអក្សរខ្មែរថ្នាក់ទី១រហូតដល់ថ្នាក់ទី៨។ក្នុងនោះជនជាប់ឃុំត្រូវបានបន្ធូបន្ធយទោសលើកលែងទោសក្នុង១ឆ្នាំមានចំនួន៣លើក ។

ក្នុងនោះលោកបានធ្វើការផ្តាំផ្ញើរដល់អ្នកជាប់ឃុំទាំងអស់ ក្រោយពីស្គាល់រសជាតិជាប់គុកហើយចេញពីពន្ធនាគារវិញ ត្រូវចេះកែខ្លួនឲ្យក្លាយជាមនុស្សល្អ ពលរដ្ឋល្អទើបអាចរស់នៅក្នុងសង្គមបានស្រួល៕

ព័ត៌មានគួរចាប់អារម្មណ៍

ប្រជាពលរដ្ឋរងគ្រោះដោយជំនន់ទឹកភ្លៀង ចំនួន ១០០០ គ្រួសារ នៅស្រុកកណ្ដាលស្ទឹង ទទួលបានអំណោយពីក្រុមការងារថ្នាក់រាជរដ្ឋាភិបាលចុះមូលដ្ឋានខេត្តកណ្ដាល (ឈើកាច់បាភ្នំ)

ព័ត៌មានគួរចាប់អារម្មណ៍

សា​លាវិទ្យា​ល័យ​វឌ្ឍន​វិទ្យាគន្ធា និង​ហូ​ផ​ប្រេន ក្រុងប៉ោយ​ប៉ែត នាំយកអំណោយផ្តលជូន ពលរដ្ឋ​មានជីវភាពខ្វះខាត រងគ្រោះដោយ​សារទឹកជំន​ន់ រស់នៅសង្កាត់និ​មិត្ត (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តមអភិបាលខេត្តស្វាយរៀង អញ្ជើញទទួលអំ​ណោយសប្បុរសធម៌ ពីលោកឧកញ៉ា សុក រ៉ាដូ ប្រធានសភាពា​ណិជ្ជកម្មខេត្តស្វាយរៀង (ឈើកាច់បាភ្នំ)

ព័ត៌មានគួរចាប់អារម្មណ៍

ឃាត់ខ្លួនជនសង្ស័យម្នាក់ ពាក់ពន្ធ័ករណីគ្រឿងញៀន (ឈើកាច់បាភ្នំ)

ព័ត៌មានគួរចាប់អារម្មណ៍

ព្រះអនុគ​ណក្រុង ប្រគល់នូវអំ​ណោយមនុស្ស​ធម៌ មានអង្ករ និងថវិកាមួយចំនួន ជូនដល់កា​កបាទ​ក្រហម​កម្ពុជាខេត្តកណ្ដាល (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
4054 នាក់
ម្សិលមិញ :
10316 នាក់
សប្តាហ៍នេះ :
57969 នាក់
ខែនេះ :
264159 នាក់
3 ខែនេះ :
913637 នាក់
សរុប :
2755309 នាក់