ថ្ងៃសុក្រ ទី២០ ខែកញ្ញា ឆ្នាំ២០១៩
គេហទំព័រខ្មែរម្ចាស់ការកំពុងសាកល្បង
ចប់បាត់ចៅអធិការវត្តព្រៃល្វា ឃុបឃិតគ្នាលួចលក់ដីគរុភ័ណ្ឌក្នុងវត្ត ជាងកន្លះហិចតាតម្លៃរាប់ម៉ឺនដុល្លា ទៅឲ្យក្រុមអ្នកមានលុយ
Sun,26 May 2019 (Time 04:47 PM)
ដោយ ៖ ឈើកាច់បាភ្នំ (ចំនួនអ្នកអាន: 81នាក់)


ខេត្តតាកែវ៖លោកគ្រូចៅអធិការវត្តព្រៃល្វាព្រះនាម គង់ វណ្ណៈ ត្រូវបានប្រជាពលរដ្ឋនៅក្នុងភូមិចោទប្រកាន់ថាបានលួចលក់ដីស្រះដែលជាសម្បត្តិគរុភ័ណ្ឌក្នុងវត្តព្រៃល្វា ស្ថិតក្នុងភូមិព្រៃល្វា ឃុំព្រៃល្វា ស្រុកព្រៃកប្បាស ខេត្តតាកែវ ជាងកន្លះហិចតាតម្លៃរាប់ម៉ឺនដុល្លា ឲ្យទៅក្រុមអ្នកមានលុយនៅក្បែរនោះ។

ដោយមានលោកមេឃុំព្រៃល្វា និងលោក អ៊ិត សា អតិតអភិបាលស្រុកព្រៃកប្បាសចាស់ជាអ្នកចុះហត្ថលេខាទទួលដឹងឮទៀតផង។

តាមការឲ្យដឹងពីប្រជាពលរដ្ឋរស់នៅក្បែរវត្តព្រៃល្វាប្រាប់ថា លោកគ្រូចៅអធិការព្រះនាម គង់ វណ្ណៈ បានលួចលក់ដីស្រះដែលជាសម្បត្តិគរុភ័ណ្ឌក្នុងវត្តជាងកន្លះហិចតាក្នុងតម្លៃរាប់ម៉ឺនដុល្លាទៅឲ្យក្រុមអ្នកមានលុយនៅក្បែរៗនោះ ជាពិសេសលោក តាក់ ប៊ុនលី (ហៅ ចូច) ដែលមានតួនាទីជាមន្ត្រីពេទ្យសត្វប្រចាំស្រុកព្រៃកប្បាស ជាអ្នករកម៉ូយក្នុងការទិញលក់ដីគរុភ័ណ្ឌនេះ។

ចំពោះការទិញ លក់ ដីស្រះនេះបានកើតឡើងជាង៣ឆ្នាំមកហើយ ដោយមានការឃុបឃិតគ្នាជាមួយ លោក យន់ គន មេឃុំព្រៃល្វា និងលោក អ៊ិត សា អតិតអភិបាលស្រុកចាស់ផងដែរ។

ក្រុមប្រជាពលរដ្ឋនិងមន្ត្រីរាជការបានបន្ថែមថា ដំបូងឡើយ ក្រុមលោក តាក់ ប៊ុនលី (ហៅចូច) មិនបានចាក់ដីលុបស្រះក្នុងវត្តនេះភ្លាមៗនោះទេ ទើបតែពេលថ្មីៗនេះលោក បានធ្វើសកម្មភាពចាក់ដីលុបស្រះ ក៏បង្ករការភ្ញាក់ផ្អើលប្រជាពលរដ្ឋទូទាំងឃុំព្រៃល្វានេះតែម្តងទៅ។

ជុំវិញករណីលោកចៅអធិការវត្តលួចលក់ដីគរុភ័ណ្ឌនេះ លោក ឆុង ផូ ប្រធានការិយាល័យសុរិយោដីស្រុកព្រៃកប្បាសបានឲ្យដឹងថា ពិតជាមានការទិញ លក់ ដីគរុភ័ណ្ឌក្នុងវត្តព្រៃល្វានេះមែន ហើយរាល់ឯកសារពាក់ព័ន្ធទិញ លក់លោកសុំបដិសេធចោលមិនទទួលខុសត្រូវទេ ព្រោះជាទង្វើខុសច្បាប់។

ជុំវិញករណីនេះ ប្រជាពលរដ្ឋរស់នៅក្នុងឃុំព្រៃល្វាបានស្នើដល់ លោក អ៊ូច ភា អភិបាលនៃគណៈអភិបាលខេត្តតាកែវ គួរចាត់វិធានការជាបន្ទាន់លើទីតាំងដីស្រះវត្តខាងលើនេះ ដើម្បីឲ្យបានមកជាសម្បត្តិគរុភ័ណ្ឌវត្តវិញ និងស្រាវជ្រាវអ្នកដែលពាក់ព័ន្ធដើម្បីចាត់ការបន្តតាមនីតិវិធី ពិសេសលោក នួន សុធា ប្រធានមន្ទីរសូរិយោដីខេត្តតាកែវ សូមចុះស្រាវជ្រាវករណីនេះផង៕

ព័ត៌មានគួរចាប់អារម្មណ៍

ថ្នាក់ដឹកនាំខេត្តកំពត អញ្ជើញចូលរួមក្នុង​ពិធី បុណ្យកាន់បិណ្ឌវេនទី៦ នៅវត្តស្នំប្រាំពីរ (ឈើកាច់បាភ្នំ)

ព័ត៌មានគួរចាប់អារម្មណ៍

កម្មវិធីវេទិកាសាធារណៈ ថ្នាក់ក្រោ​មជាតិលើប្រធានបទ “វឌ្ឍនភាព និងការជម្រុញអភិបាលកិច្ចល្អ ក្នុងការគ្រប់គ្រងធនធានជលផល” (ឈើកាច់បាភ្នំ)

ព័ត៌មានគួរចាប់អារម្មណ៍

លោកអភិបាលខេត្តកំពត ​បញ្ជាឲ្យស្ថាប័នជំនាញពាក់ព័ន្ធ កាយយកអាចម៍ដី ចេញពីមាត់ព្រែក ក្បាលរមាសជាបន្ទាន់ (ឈើកាច់បាភ្នំ)

ព័ត៌មានគួរចាប់អារម្មណ៍

ឧបទ្ទវហេតុ​គ្រោះថ្នាក់ចរាចរណ៍ បង្កឡើងដោយរថយន្តសឺមីសណ្ដោងរម៉ក បុករថយន្ត១​គ្រឿង​ទៀត បណ្តាលឲ្យបុរសម្នាក់ បានស្លាប់យ៉ាងអាណោចអាធ័ម (ឈើកាច់បាភ្នំ)

ព័ត៌មានគួរចាប់អារម្មណ៍

អង្គភាពអ្ន​កនាំពាក្យរាជរដ្ឋាភិ​បាលកម្ពុជា ធ្វើ​សន្និសីទសារព័ត៌មាន ស្ដីពី «ករណីប្រមាថ​ព្រះមហា​ក្សត្រ» (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
184 នាក់
ម្សិលមិញ :
2423 នាក់
សប្តាហ៍នេះ :
13713 នាក់
ខែនេះ :
64689 នាក់
3 ខែនេះ :
162185 នាក់
សរុប :
200904 នាក់