ថ្ងៃព្រហស្បតិ៍ ទី២៨ ខែឧសភា ឆ្នាំ២០២០
គេហទំព័រខ្មែរម្ចាស់ការកំពុងសាកល្បង
សិក្ខាសា​លាផ្សព្វផ្សាយ ស្តីពីពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអច​លនទ្រព្យ និងពន្ធដីធ្លីមិនប្រើប្រាស់
Tue,22 October 2019 (Time 06:29 PM)
ដោយ ៖ ឈើកាច់បាភ្នំ (ចំនួនអ្នកអាន: 65នាក់)


ខេត្តកែប៖នៅសណ្ឋាគារ សង្គហមិត្តគយ នាព្រឹកថ្ងៃទី២២ ខែតុលា ឆ្នាំ២០១៩នេះ សាខាពន្ធដា​រខេត្តកែប ​សហការជាមួយរដ្ឋបាលខេត្ត បានរៀបចំសិក្ខាសាលាផ្សព្វផ្សាយស្តីពីពន្ធប្រថាប់ត្រា លើការផ្ទេរ​កម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអចលនទ្រព្យ និងពន្ធលើ​ដីធ្លីមិន​បានប្រី​ប្រាស់ សិក្ខាសាលានេះប្រព្រឹត្តទៅក្រោមអធិបតីភាព​ លោក​ អ៊ុក ថា អភិបាលរងខេត្ត​ តំណាងដ៏​ខ្ពង់ខ្ពស់​ លោក កែន​ សត្ថា​ អភិបាល​ខេត្ត​កែប​ និងមានការអញ្ចើ​ញចូលរួមពីសំ​ណាក់លោក​ ប្រធាន​សាខាពន្ធដាខេត្ត​ តំណាងកងកម្លាំងទាំងបី​ លោក​ លោកស្រី​ តំណាងមន្ទីរ​អង្គភាពជុំវិញខេត្ត​ អាជ្ញាធ​រ​ក្រុង​ ស្រុក​ ឃុំ​ សង្កាត់​ មន្ត្រីសាខាពន្ធដា​ និងតំណាងវិស័យឯកជនពាក់ព័ន្ធសរុបចំនួន​ ២៧០នាក់។

បន្ទាប់ពីកិច្ចស្វាគមន៍ និងសេចក្តីរាយការណ៍ របស់លោក អៀង ក្អូន ប្រធានសាខាពន្ធដារខេត្ត រួច​មក លោក អ៊ុក ថា អភិបាលរងខេត្ត ក៏បានធ្វើការកោតសរសើរចំពោះ សាខាពន្ធដារខេត្ត ដែលជា​ប្រតិបត្តិករមួយដ៏សំខាន់របស់ខេត្ត ក្នុងការប្រមូលនូវថវិកាពន្ធដាជូនជាតិ​ រយះពេលកន្លងមកនេះ។

លោក អ៊ុក ថា ក៏បានលើកឡើងនូវចំណុចមួយចំនួន ដែលជាបញ្ហារប​ស់បងប្អូនជាម្ចាស់​អចលន​ទ្រព្យ ហើយខេត្តបានកំពុងធ្វើការដោះស្រាយផងដែរ។ក្នុងនោះលោកក៏បានបញ្ជាក់ផងដែរ អំពីការ​រៀប​ចំធ្វើ​ពន្ធប្រថាប់ត្រាលើការផ្ទេរកម្មសិទ្ធិ ពន្ធលើ​ដីធ្លីមិនបានប្រើប្រាស់ នៅតាមបណ្តាក្រុង ស្រុក ដើ​ម្បីឲ្យប្រជាពលរដ្ឋបានដឹងអំពីគោលការណ៍ច្បាប់របស់រាជរដ្ឋាភិបាល សំរាប់បង់ពន្ធលើ​អចលន​ទ្រព្យ និងបម្រើដល់អត្ថប្រយោជន៍លើការងារគ្រប់គ្រង និងបង់ពន្ធអចលទ្រព្យនាពេលអនាគត។
 
ក្នុងនោះដែរ លោកអភិបាលរងខេត្ត ក៏បានលើកនូវបទពិសោធន៍ល្អៗមួយចំនួន ដើមី្បឲ្យអង្គសិក្ខា​ធ្វើការឆ្លុះបញ្ចាំង ទៅលើការងារបង់ពន្ធអចលនទ្រព្យនៅតាមមូលដ្ឋាន ទាំងដីធ្លី មានប័ណ្ណកម្មសិទ្ធិ និងមិនមាន​ប័ណ្ណកម្មសិទ្ធិ និងប័ណ្ណកាន់កាប់ គឺត្រូវតែទៅបំពេញកាតព្វកិច្ចក្នុងការបង់ពន្ធ ទៅតាម​កា​រកំណត់របស់រដ្ឋ។

លោក អ៊ុក​ ថា ក៏បានអំពាវនាវឲ្យអាជ្ញាធរក្រុង ស្រុក ធ្វេីការផ្សព្វផ្សាយនៅច្បាប់គ្រប់គ្រងដីធ្លី ងាយស្រួល​ក្នុងការធ្វើកម្មសិទ្ធិជាលក្ខណៈ ប្រព័ន្ធ ព្រមទាំងជម្រុញដល់ប្រជាពលរដ្ឋ និង ម្ចាស់អច​លន​ទ្រព្យទាំងអស់ ឲ្យចូលទៅបង់ពន្ធនៅសាខាពន្ធដារខេត្ត។ ជាមួយនេះដែរក្រសួងសេដ្ឋកិច្ច និង​ហិ​រ​ញ្ញវត្ថុ ក៏បានចេញប្រកាស ស្តីពីការ កំណត់មូលដ្ឋានគិតពន្ធប្រថាប់ត្រា ចំពោះការផ្ទេរសិទ្ធិ ឬ សិទ្ធិកាន់​កាប់អចលនទ្រព្យ ជាពិសេសដើ​មី្ប​ព​ង្រឹងការប្រមូលចំណូលព​ន្ធលើវិស័យ​អចលនទ្រព្យ​នៅទូទាំងខេត្ត ដែលជា​ចំណូលថវិ​កា​ថ្នាក់​ក្រោម​ជាតិ សម្រាប់អភិវឌ្ឍន៍មូលដ្ឋាន ឲ្យកាន់តែរីកច​ម្រើនថែមទៀត៕

ព័ត៌មានគួរចាប់អារម្មណ៍

ឯកឧត្តម ស៊ុន ចាន់ថុល អះអាងថា ផ្លូវជាតិលេខ៥ ពីព្រែកក្តាមទៅ​ប៉ោយប៉ែត នឹងសាង​សង់ចប់រួច​រាល់ជាស្ថាពរ​នៅក្នុងឆ្នាំ២០​២២ (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តមអភិបាលខេត្តកណ្តាល ដឹកនាំកិច្ចប្រជុំបូក​សរុបការអនុវត្តការងារ និងពង្រឹងយន្ត​ការប្រយុទ្ធ​ប្រ​ឆាំងនឹងជំងឺកូវីដ-១៩ និងសម្ពោធ​ដាក់ឱ្យដំ​ណើ​រការការិយាល័យ​ច្រកចេញចូ​ល​តែមួយ (ឈើកាច់បាភ្នំ)

ព័ត៌មានគួរចាប់អារម្មណ៍

ឧបទ្ទវហេតុគ្រោះថ្នាក់​ចរាចរណ៍ រវាងរថយន្តបុកជាមួយ និងរថយន្ត បណ្តាល​ឲ្យតៃកុងរងរបួសធ្ងន់ (ឈើកាច់បាភ្នំ)

ព័ត៌មានគួរចាប់អារម្មណ៍

ឯកឧត្តម អភិបាលខេត្តដឹកនាំក្រុមការងារចម្រុះ ចុះពិនិត្យស្ថានភាពរួមទំនប់៧៨ ក្នុងភូមិសាស្ត្រ​ស្រុកសូទ្រនិគម រហូតដល់សង្កាត់ក្របីរៀល ក្រុងសៀមរាប (ឈើកាច់បាភ្នំ)

ព័ត៌មានគួរចាប់អារម្មណ៍

អភិបាល​រងខេត្ត​កំពង់ឆ្នាំ ដឹកនាំកិច្ចប្រ​ជុំផ្សព្វផ្សាយលទ្ធផល​ការងារ ប្រចាំខែ​មេសា និងត្រួតពិនិត្យវឌ្ឍន​ភាព នៃការអនុវត្តច្បាប់ចរាចរណ៍ (ឈើកាច់បាភ្នំ)

វីដែអូ

ចំនួនអ្នកទស្សនា

ថ្ងៃនេះ :
477 នាក់
ម្សិលមិញ :
3173 នាក់
សប្តាហ៍នេះ :
17741 នាក់
ខែនេះ :
155454 នាក់
3 ខែនេះ :
467317 នាក់
សរុប :
1390448 នាក់