CKTVONLINE Cambodia News
ខេត្តព្រះសីហនុ៖កម្លាំងការិយាល័យប្រឆាំងបទ ល្មើសជួញដូរមនុស្ស នៃស្នងការដ្ឋាននគរបាលខេត្តព្រះសីហនុ បានសហការជាមួយកម្លាំងអធិការដ្ឋាននគរបាលក្រុង ព្រះសីហនុ និងកម្លាំងប៉ុស្តិ៍រដ្ឋបាលសង្កាត់លេខ០២ រួមជាមួយកម្លាំងអន្តរាគមន៍ ដោយយោងតាមបទបញ្ជាក៏ដូចជាការបញ្ជាផ្ទាល់របស់លោក ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុផងនោះកម្លាំងសមត្ថកិច្ចបានឆ្មក់ចូលទីតាំងជួញដូរផ្លូវ ភេទចំនួន៣ទីតាំង ដែលជារបស់ជនជាតិចិន ដោយឃាត់ខ្លួនបានមនុស្សចំនួន៣៨នាក់ ក្នុងបុរសចំនួន១១នាក់ និងស្ត្រីជនជាតិថៃ ចំនួន១៥នាក់។ ការចុះប្រតិបត្តិការណ៍បានធ្វើឡើងកាលពីថ្ងៃទី២១ ខែកុម្ភៈ ឆ្នាំ២០១៩ម្សិលមិញនេះ នៅចំណុចភ្នំខៀវ ស្ថិតក្នុងភូមិ១ សង្កាត់លេខ២ ខេត្តព្រះសីហនុ។ វត្ថុតាងដែលត្រូវបានសមត្ថកិច្ចរកឃើញរួមមាន:ស្រោមប្រើប្រាស់រួចហើយ និងស្រោមមិនទាន់ប្រើ ជាច្រើនផងដែរ ។ មេក្លោងក្នុងបទល្មើសជួញដូរផ្លូវនេះ សមត្ថកិច្ចកំពុងស្រាវជ្រាវ និងកំណត់មុខសញ្ញា ដើម្បីបញ្ជូនខ្លួនទៅកាន់សាលាដំបូងខេត្ត បើទោះបីជាជនជាតិចិនដែល បានឃាត់ខ្លួនបុរសទាំង១១នាក់ នូវពុំទាន់ឆ្លើយសារភាបយ៉ាងណាក្តី៕
Read More »ព័ត៌មានវីដេអូ
ព័ត៌មានប្រចាំថ្ងៃ
February, 2019
-
21 February
សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញចុះសំណេះសំណាលសួរសុខទុក្ខ សមាគមតន្ដ្រីសំនៀង ជនពិការចំនួន១៣៥គ្រួសារ នៅភូមិជំរៅ
រាជធានីភ្នំពេញ៖នៅថ្ងៃទី២១ ខែកុម្ភៈ ឆ្នាំ២០១៩ នេះសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើចុះសំណេះសំណាលសួរសុខទុក្ខ សមាគមតន្ដ្រីសំនៀង ជនពិការចំនួន១៣៥គ្រួសារ (១៦៧នាក់) នៅភូមិជំរៅ សង្កាត់គោករកា ខណ្ឌព្រែកព្នៅ រាជធានីភ្នំពេញ។ ថ្លែងក្នុងឱកាសនោះដែរសម្ដេចកិត្ដិព្រឹទ្ធបណ្ឌិត បានក្រើនរម្លឹកថា «កូនៗជនពិការ ត្រូវចង់ចាំថា ទោះយើងជាជនពិការ តែយើងមិនត្រូវពិការចិត្ដ និងកុំពិការគំនិត ត្រូវខិតខំរៀនសូត្រ ពង្រឹងសមត្ថភាព ដើម្បីបំពេញកិច្ចការបាន ដោយយើងមានថ្នាក់ដឹកនាំល្អ ដែលតែងតែគិតគូរ និងស្វែងរកឱកាសឲ្យកូនៗបំពេញកិច្ចការ ចិញ្ចឹមជីវិត សូមក្មួយៗ ត្រូវចេះស្រលាញ់ សាមគ្គីភាពគ្នា រក្សាឯកភាពផ្ទៃក្នុង កុំច្រណែនឈ្នានីស ចេះជួយគ្នាទៅវិញទៅមក ហើយចេះរស់នៅជាមួយគ្នាដោយសុខដុមរមនា និងសេចក្តីថ្លៃថ្នូរនៅក្នុងសង្គម។ ចំពោះអ្នកដែលមានប្តីឬប្រពន្ធ ត្រូវចេះអធ្យាស្រ័យគ្នា រក្សាសុភមង្គលជាមួយគ្នាអស់មួយជីវិត»។ ក្នុងឱកាសនោះ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្លែងថា «ម៉ែអរគុណកូនៗណាស់ដែលតែងតែរងចាំ តាំងពី២០១៣ ដល់២០១៩ …
Read More » -
21 February
ឯកឧត្តម ម៉ែន វិបុល បានដឹកនាំក្រុមការងារ នាំយកអំណោយមនុស្សធម៌ ចុះសួរសុខទុក្ខស្រ្តី ទើបសម្រាលកូនចំនួន៣៤គ្រួសារ នៅមន្ទីរពេទ្យខេត្តស្វាយរៀង
ស្វាយរៀង ៖នាព្រឹកថ្ងៃទី២១ ខែកុម្ភៈ ឆ្នាំ២០១៩នេះ ឯកឧត្តម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង បានដឹកនាំក្រុមការងារ ដោយមានការអញ្ជើញចូលរួមពីឯកឧត្ដម លោកជំទាវ លោក លោកស្រី ជាសមាជិកគណៈកម្មាធិការសាខាកាកបាទក្រហមកម្ពុជាខេត្ត ក្រុមប្រតិបត្តិសាខា លោកនាយកសាខា និងមន្ត្រីពាក់ព័ន្ធមួយចំនួន បាននាំយកអំណោយមនុស្សធម៌របស់សាខាចុះសួរសុខទុក្ខស្រ្តីទើបសម្រាលកូន ចំនួន៣៤គ្រួសារ ដែលកំពុងសម្រាកនៅមន្ទីរពេទ្យខេត្តស្វាយរៀង។ ក្នុងឱកាសនោះ ឯកឧត្តមអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានពាំនាំនូវការផ្តាំផ្ញើសួរសុខទុក្ខ និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរពីសុខទុក្ខរបស់បងប្អូនប្រជាពលរដ្ឋងាយរងគ្រោះ និងរងគ្រោះដោយសារគ្រោះមហន្តរាយផ្សេងៗ ពិសេសស្រ្តី និងកុមារ ដោយមិនប្រកាន់វណ្ណៈ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ។ ជាមួយនេះ ឯកឧត្តមប្រធាន ក៏បានពាំនាំនូវអនុសាសន៍សម្តេចកិត្តិព្រឹទ្ធបណ្ឌិតជូនដល់បងប្អូនស្រ្តីទាំងអស់ ទាំងបងប្អូនស្រ្តីដែលទើបសម្រាលកូន និងបងប្អូនស្ត្រីដែលកំពុងសម្រាកព្យាបាលនៅក្នុងមន្ទីរពេទ្យ នូវខ្លឹមសារសំខាន់ៗមួយចំនួនដូចខាងក្រោម ៖ ១.សូមឲ្យស្ត្រីមានគភ៌ទៅពិនិត្យសុខភាពនៅមន្ទីរពេទ្យឲ្យបានទៀងទាត់។ ២.សូមឲ្យស្រ្តីទាំងអស់ទៅសម្រាលនៅមន្ទីរពេទ្យជាមួយគ្រូពេទ្យជំនាញ។ ៣.ត្រូវពិនិត្យសុខភាពក្រោយសម្រាលទាំងមាតា និងទារក និងទទួលថ្នាំបង្ការដល់ទារក។ …
Read More » -
21 February
នាយឧត្តមសេនីយ៍ សន្ដិបណ្ឌិត នេត សាវឿនអញ្ជើញជាអធិបតីភាព ក្នុងពិធីសន្និបាតបូកសរុប វាយតម្លៃ សភាពការណ៍ និងលទ្ធផលកិច្ចប្រតិបត្តិការ ឆ្នាំ២០១៨ និងផ្សព្វផ្សាយទិសដៅ ក្រសួងមហាផ្ទៃ ឆ្នាំ២០១៩
រាជធានីភ្នំពេញ៖នៅព្រឹកថ្ងៃទី២១ ខែកុម្ភៈ ឆ្នាំ២០១៩នេះនៅទីស្ដីការក្រសួងមហាផ្ទៃ រៀបចំសន្និបាតបូកសរុបវាយតម្លៃ សភាពការណ៍ និងលទ្ធផលកិច្ចប្រតិបត្តិការឆ្នាំ២០១៨ និងផ្សព្វផ្សាយទិសដៅក្រសួងមហាផ្ទៃ ឆ្នាំ២០១៩ ក្រោមអធិបតីភាព នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ។ សូមជម្រាបដែរថា នៅក្នុងពិធីនេះដែរ មានការអញ្ជើញចូលរួមពីអគ្គស្នងការរងនគរបាលជាតិ ប្រធាននាយកដ្ឋាន ស្នងការរាជធានី-ខេត្ត ព្រមទាំងថ្នាក់ដឹកនាំនគរបាលពាក់ព័ន្ធផងដែរ។ យោងតាមរបាយការណ៍ប្រចាំឆ្នាំបានឲ្យដឹងថា ឆ្នាំ២០១៨ បើទោះបីជាបទល្មើសជារួម មានកំណើន ៥% ដែលក្នុងនោះបទឧក្រិដ្ឋកើន១% ប៉ុន្តែបទល្មើសលួចមានស្ថានទម្ងន់ និងអំពើឃាតកម្ម ដែលជាប្រភេទបទល្មើសមានចរឹតគំរាមកំហែង ដល់អារម្មណ៍របស់ប្រជាពលរដ្ឋនៅតែបន្តថយចុះ ស្របពេលដែលគ្រោះថ្នាក់ចរាចរណ៍មានការថយចុះ៧%។ ការប្រែប្រួលមុខមាត់ថ្មី សម្រាប់កងកម្លាំងនគរបាលជាតិនោះ គឺការជំរុញឲ្យដំណើរការនូវរបត់ការងារថ្មី តាមគម្រោង «ការងារនគរបាល និងសហគមន៍» ដែលតាមរយៈនេះ បានធ្វើឲ្យនគរបាលនៅតាមឃុំ-សង្កាត់ជាបណ្តើរៗក្លាយជាដៃគូ ជាមួយសហគមន៍ និងទទួលបានការគាំទ្រ ការជឿទុកចិត្ត និងចូលរួមសហការពីមជ្ឈដ្ឋានប្រជាពលរដ្ឋ។ ទន្ទឹមគ្នានេះដែរ ក៏នៅមានចំណុចខ្សោយ និងភាពអសកម្មមួយចំនួនបានកើតឡើងខ្លះៗ បណ្តាលមកពីទង្វើរបស់បុគ្គល ឬការខ្វះខាតអំពីលទ្ធភាព និងសមត្ថភាព ដែលមានលក្ខណៈជាអត្តនោម័តផង និងសត្យានុម័តផង។ …
Read More » -
20 February
ព្រះសង្ឃ និងថ្នាក់ដឹកនាំ មន្ត្រីរាជការពុទ្ធបរិស័ទក្នុង ខេត្តកែបបានរួមគ្នា ប្រារព្ធពិធីបុណ្យមាឃបូជា
ខេត្តកែប៖ពិធីបុណ្យមាឃបូជា តែងតែត្រូវបានធ្វើឡើង នៅថ្ងៃ១៥កើត ខែមាឃ ជារៀងរាល់ឆ្នាំ ហើយពិធីបុណ្យសាសនាមួយនេះ មានសារៈសំខាន់ណាស់នៅក្នុងពុទ្ធិសាសនា ប្រហាក់ប្រហែល នឹងបុណ្យពុទ្ធសាសនាដទៃទៀតដែរ។ ពិធីបុណ្យនេះក្នុងគោលបំណងពីរគឺ៖ទី១– ដើម្បីរំលឹកដល់ថៃ្ងចតុរង្គសន្និបាត ដែលព្រះសម្មាសម្ពុទ្ធ ទ្រង់ប្រកាសបង្កើតព្រះពុទ្ធសាសនាឡើងនិង ទី២– ដើម្បីរំលឹកដាក់អាយុសង្ខារ នៃការចូលព្រះបរិនិព្វានរបស់ទ្រង់។ ដោយឡែកនៅខេត្តកែប នារសៀលថ្ងៃអង្គារ១៥កើត ពេញបូណ៌រមី ខែមាឃ ឆ្នាំច សំរឹទ្ធស័ក ពុទ្ធសករាជ២៥៦២ ត្រូវនឹងថ្ងៃទី១៩ ខែកុម្ភៈ ឆ្នាំ២០១៩ លោក កែន សត្ថា អភិបាលនៃគណៈអភិបាលខេត្តកែប និងលោក ទេព យុទ្ធី សមាជិកព្រឹទ្ធសភាមណ្ឌលភូមិភាគ៥ ព្រមទាំងអភិបាលរងខេត្តជាច្រើនរូប រួមនិងព្រះសង្ឃនិងមន្ត្រីរាជការគ្រប់ជាន់ថ្នាក់ព្រមទាំងពុទ្ធសាសនិកជន ក្នុងខេត្ត បានរួមគ្នាប្រារព្ធពិធីបុណ្យមាឃបូជានេះ ដោយដង្ហែពីវិមានឯករាជ្យខេត្ត ឆ្ពោះទៅកាន់មជ្ឈមណ្ឌលវិបស្សនាធុរៈខេត្តកែប។ ក្នុងឱកាសនោះ លោក កែន សត្ថា អភិបាលខេត្ត ក៏បានគូសបញ្ជាក់ថា រាជរដ្ឋាភិបាលនៃព្រះរាជាណាចក្រកម្ពុជាក្រោមការដឹកនាំរបស់សម្ដេចតេជោ ហ៊ុន សែន …
Read More » -
20 February
សម្តេចក្រឡាហោម ស ខេង ដឹកនាំប្រតិភូក្រសួងមហាផ្ទៃ អញ្ជើញចុះសួរសុខទុក្ខ និងសម្តែងការគួរសម ជាមួយលោកព្រឹទ្ធាចារ្យ ប៊ូ ថង ទីប្រឹក្សាសម្តេច សាយ ឈុំ នៅភូមិគ្រឹះ លោកព្រឹទ្ធាចារ្យ ស្ថិតនៅភូមិទេសអន្លុង
ខេត្តរតនគិរី៖នារសៀលថ្ងៃទី២០ ខែកុម្ភៈ ឆ្នាំ២០១៩នេះ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដឹកនាំប្រតិភូក្រសួងមហាផ្ទៃ អញ្ជើញសួរសុខទុក្ខ សម្តែងការគួរសម ជាមួយលោកព្រឹទ្ធាចារ្យ ប៊ូ ថង ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃកម្ពុជា នៅភូមិគ្រឹះរបស់លោកព្រឹទ្ធាចារ្យ ស្ថិតនៅក្នុងភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី។ ក្នុងឱកាសនោះសម្តេចក្រឡាហោមស ខេង បានសម្តែងនូវការនឹករលឹក ចំពោះលោកព្រឹទ្ធាចារ្យ ប៊ូ ថង ដែលជាឥស្សរជនម្នាក់ដែលមួយជីវិត លោកព្រឹទ្ធាចារ្យបាន លះបង់កម្លាំងកាយកម្លាំងចិត្ត ក្នុងបុព្វហេតុជាតិ មាតុភូមិរាប់មិនអស់។ ជាពិសេសលោកព្រឹទ្ធាចារ្យ បានបង្កើតទីក្រុងបានលុង តាំងពីគ្មានអ្វីសោះ ក្រោយថ្ងៃ៧មករា១៩៧៩ រហូតធ្វើឲ្យខេត្តភាគឥសាន្តមួយនេះ មានការរីកចម្រើនមិនចាញ់ ខេត្តនានានៅទូទាំងប្រទេសឡើយ។ សម្តេចក្រឡាហោម បានជូនពរលោកព្រឹទ្ធាចារ្យ សូមមានសុខភាពល្អ ឆាប់ជាពីជំងឺរោគារព្យាធិទាំងឡាយទាំងពួង ជន្មាយុយឺនយូរ ដើម្បីជាម្លប់ដ៏ត្រជាក់ដល់កូនចៅ ព្រមទាំងជួបប្រទះតែសេចក្តីសុខសេចក្តី ចម្រើនតរៀងទៅ៕
Read More »
